Þjálfarastig 1

KKÍ þjálfari 1

KKÍ 1 og ÍSÍ 1 eru samtals 120 kennslustundir eða 80 klukkutímar, sérgreinahluti hlutinn er 60 kennslustundir og almenni hlutinn sem er í umsjá ÍSÍ 60 kennslustundir. KKÍ þjálfara 1 er skipt upp í þrjá hluta sem eru að mestu leyti í umsjón fræðslustjóra KKÍ, þjálfari 1.a og 1.c eru helgarnámskeið og 1.b er í fjarnámi. Farið er yfir helstu grundvallarþætti í körfuknattleik eins og skot, sendingar, knattrak, fótavinnu og undirstöðu í varnarleik. Lögð er áhersla á að þjálfarar séu sjálfir þátttakendur í æfingum sem eru gerðar á námskeiðinu. Þjálfarar gera því æfingar sjálfir og kenna hvor öðrum. Helgarnámskeiðið er haldið af einum til tveimur fyrirlesurum. Að loknu náminu útskrifast þjálfari sem KKÍ þjálfari 1 sem gefur rétt á að vera aðalþjálfari í öllum flokkum til og með minnibolti 11 ára og aðstoðarþjálfari upp í 10. flokk.

Uppsetning á KKÍ 1 þjálfaranámi.

Á mynd hér fyrir ofan má sjá uppbyggingu á KKÍ þjálfara 1 námskeiði. Námið skiptist í þrjú þrep og hvert þrep eru 20 kennslustundir. 1.a er fyrsta námskeiðið sem er helgarnámskeið,1.b er fjarnám þar sem farið er í reglur, sögu, mótamál o.fl. og að lokum er 1.c sem er helgarnámskeið.

 

KKÍ þjálfari 1.a.

Námskeiðið er 20 kennslustundir eða 13,5 klukkutímar. Áhersla er lögð á þjálfun minnibolta, byrjenda og barna 12 ára og yngri. Mikil áhersla er lögð á kennslu á helstu grunnþáttum eins og skotum, sendingum, fótavinnu, knattraki og á boltaæfingar. Áhersla er lögð á að kenna yngstu iðkendum grunnþætti í gegnum leiki. KKÍ þjálfari 1.a gildir sem 25% af lokaeinkunn á námskeiðinu. Þjálfarar sem hafa lokið 1.a eru með leyfi til að þjálfa minnibolta 9 ára og yngri.

Föstudagur

17:00-17:40     Setning og kynning á þjálfaravef FIBA Europe, Bóklegt

17:40-18:00     Matur

18:00-19:20     Skipulag þjálfunar og  kennslufræði (yngri en 12 ára), Bóklegt                                

19:30-20:30     Minnibolti og þjálfun barna,Bóklegt                                                                         

Laugardagur

09:00-10:20     Boltaæfingar, knattrak, leikir og fótavinna, Verklegt                                                 

10:30-12:10     Upphaf sóknar, V-hlaup (e. V-cut), sendingar og sniðskot, Verklegt                

12:10-12:50     Matarhlé

12:50-14:10     Skottækni, fótavinna og leikir, Verklegt                                                                    

14:20-15:40     Vörn    (Varnarstöður 1, 2, 3, 4 og 5),Verklegt                                                       


Sunnudagur

11:00-12:30     Úrvalsbúðir KKÍ,   Verklegt                                                                                     

12:30-13:30     Umræður

13:30-14:30     Próf (10%) - Verklegt próf (7,5%) og munnlegt próf (7,5%)

KKÍ þjálfari 1.b

Námskeiðið er 20 kennslustundir sem kennt í fjarnámi milli þjálfara 1.a og 1.c. Í þessum hluta er farið ítarlega í leikreglur, mótafyrirkomulag KKÍ, sögu körfuknattleiks og unnið verkefni í tímaseðlagerð. KKÍ þjálfari 1.b gildir sem 35% af lokaeinkunn KKÍ þjálfara 1.

Leikreglur:
Farið er í leikreglur með fyrirlestri á netinu. Þjálfarar þurfa svo að standast reglupróf sem er aðeins bóklegt og gildir 20% af einkunn í KKÍ þjálfara 1. Ef þjálfarar vilja einnig sækja sér dómararéttindi þarf að bæta við verklegu dómaraprófi.

Mótafyrirkomulag KKÍ:
Þjálfarar kynnast mótafyrirkomulagi með fyrirlestri á netinu. Þjálfarar þurfa að standast krossapróf sem gildir 5% af lokaeinkunn KKÍ þjálfara 1.

Saga körfuknattleiks:
Þjálfarar fá senda fyrirlestra um sögu körfuknattleiks. Þjálfarar þurfa að standast krossapróf úr sögunni sem gildir 5% af heildareinkunn í KKÍ Þjálfara 1.

Tímaseðill:
Þjálfarar gera tímaseðil með FIBA Europe þjálfaraforritinu. Skila þarf inn tímaseðli fyrir 60 mínútna æfingu í minnibolta, á PDF skjali með tölvupósti á fræðslustjóra KKÍ. Verkefnið gildir 5% af lokaeinkunn KKÍ þjálfara 1.

KKÍ Þjálfari 1.c.

KKÍ þjálfari 1.c er helgarnámskeið og fjarnám. Áhersla er lögð á þjálfun barna 12 ára og yngri í KKÍ 1.c náminu. Hér er lögð meiri áhersla á samvinnu leikmanna en var gert í 1.a. KKÍ þjálfari 1.c gildir sem 40% af lokaeinkunn KKÍ þjálfara 1. Þjálfarar sem hafa lokið öllum prófum og verkefnum 1.a, b og c námi útskrifast með KKÍ 1 þjálfara réttindi.

Laugardagur
09:00-09:10 Setning
09:10-10:30 Skipulag þjálfunar 14 ára og yngri
10:40-12:00 Skipulag þjálfunar, þjálfaratýpur, áætlunargerð og tímaseðlar
12:00-12:30 Matarhlé
12:30-13:50 Taktík – Liðssókn; Hreyfingar án bolta
14:00-15:20 Skottækni og fótavinna (framhald)

Sunnudagur
09:00-09:40 Vörn 1 á 1
09:40-11:00 Taktík - Liðsvörn maður á mann Verklegt/bóklegt
11:10-11:50 Skriflegt lokapróf KKÍ 1 (20% tímaseðil)
11:50-12:30 Matarhlé
12:30-13:50 Hraðupphlaup (2 á 1, 3 á 2)
13:50-14:40 Umræður
14:40-16:00 Verklegt próf KKÍ (20% framkvæma æfingu af tímaseðli)

Eftir námskeið fer þjálfari og fylgist með fjórum æfingum hjá börnu yngri en 12 ára, fylgst er með a.m.k tveimur mismunandi þjálfurum. Þjálfari þarf svo að vinna stutt verkefni uppúr æfingum sem fylgst var með.

Þegar þjálfari hefur lokið og skilað öllum verkefnum verður þjálfari boðaður í útskrift og afhent þjálfaréttindi KKÍ þjálfari 2.