Afreksstefna

Afreksstefna KKÍ samþykkt á Körfuknattleiksþingi í apríl 2017 (.pdf)


AFREKSSTEFNA KKÍ 2017-2021

Hlutverk afreksnefndar KKÍ
Er að auka áhuga og þátttöku á körfuknattleiksíþróttinni með því að halda úti öflugu afrekstarfi frá 15 ára aldri. Markmiðið er að senda sem flest landslið KKÍ í Norðurlandamót og Evrópukeppnir á hverju ári. Það er eitt af skyldum sambandins að auka þátttöku landsliða á erlendum vettvangi.  Með því er verið að búa til fyrirmyndir sem stuðla að frekari þátttöku í íþróttinni. Afreksnefnd á að stuðla að því að körfuknattleiksíþróttin eignist sem flesta atvinnumenn, sem er nauðsynlegt til að hármarka árangur í elstu aldursflokkunum, á alþjóða vettvangi.  
Formaður nefndarinnar og tveir aðrir koma úr stjórn sambandsins en fjórir meðstjórnendur eru skipaðir af stjórn eftir ársþing sem haldið er á tveggja ára fresti. Stefna stjórnar er að velja aðila afreksnefnd sem eru fyrrverandi afreksfólk, þjálfarar eða einstaklingar með mikla reynslu í stjórn afreksmála. Formaður KKÍ og umsjónarmaður afreksmála KKÍ sitja einnig fundi afreksnefndar sem haldnir a.m.k. einu sinn í mánuði allt árið um kring.  

Afreksnefnd sér um ráðningar landsliðsþjálfara, ákveður æfingahópa og skipuleggur æfingar í samráði við starfsmenn og landsliðsþjálfara sambandsins. Afreksnefnd er ráðgefandi til stjórnar hvaða alþjóðalegum verkefnum landsliðin taka þátt.  

Afreksnefnd leggur á áherslu á að fræðsla þjálfara sem aukin og fundar í því sambandi reglulega með fræðslunefnd en skilyrði fyrir því að hægt sé að auka árangur í afreksstarfinu er góð og markviss þjálfun barna og unglinga. 

Afreksnefnd ræður yfirþjálfara yngri landsliða til tveggja ára í senn. Yfirþjálfari yngri landsliða er faglegur ráðgjafi afreksnefndar og annast samskipti við þjálfara yngri landsliða varðandi m.a. skipulag æfinga, æfingamagn, val á leikmönnum, skipulag liðsins jafnt innan vallar sem utan. Hefur eftirlit með þjálfurum að þeir séu að framfylgja áherslum afreksnefndar. 
KKÍ skilgreinir alla iðkendur sem valdir eru til æfinga með landsliðum sambandsins sem afreksíþróttafólk. 

Afreksnefnd KKÍ stendur fyrir eftirfarandi verkefnum í dag:

Fyrsta stig í afreksferli KKÍ:
Úrvalsbúðir fyrir 11 til 13 ára haldnar tvisvar á ári þar sem 700+ iðkendum er boðið til að taka þátt, tilnefnd af sínu félögum.
Afreksbúðir fyrir 14 ára haldnar tvisvar á ári þar sem framúrskarandi 50-60 iðkendur eru valdnir til þátttöku af þjálfurum KKÍ.
Annað stig þar sem verið er að undirbúa unga í þróttamenn fyrir frekara landsliðsstarf : 

15 ára landslið stúlkna og drengja
Fyrsta stigið í uppeldi landsliðsfólks. Hér fær efnilegt ungt íþróttafólk innsýn í hvað er vera þátttakandi í landsliði KKÍ.  Landslið hafa farið síðastaliðinn ár á alþjóðlegtmót í Kaupmannahöfn sem er opið mót og mjög góður vettvangur fyrir okkar landslið til að byrja að keppa.

16 ára landslið stúlkna og drengja
Þessi lið hafa farið árlega í Norðurlandamót og stefnt er að því að liðin taki sömuleiðis reglulega þátt í Evrópukeppni FIBA. Gerð er krafa um að þjálfarar séu með góða þekkingu og reynslu í þjálfun barna og unglinga og séu fagmannlegir í vali á leikmönnum. Lögð er áhersla að þjálfarar kynni áherslur KKÍ í varnar – og sóknarleik til að undirbúa landsliðsfólkið fyrir framtíðina.  Stefnt er að því að hafa umgjörðina sem besta og aginn sé hinn sami og hjá eldri landsliðum. 

18 ára landslið stúlkna og drengja
Þessi lið hafa farið árlega í Norðurlandamót og stefnt er að því að liðin taki sömuleiðis reglulega þátt í Evrópukeppni. Gerð er krafa um að þjálfarar séu með góða þekkingu og reynslu í þjálfun barna og unglinga og séu fagmannlegir í vali á leikmönnum. Lögð er áhersla að þjálfarar kynni áherslur KKÍ í varnar – og sóknarleik til að undirbúa landsliðsfólkið fyrir framtíðina.  Stefnt er að því að hafa umgjörðina sem besta og aginn sé hinn sami og hjá eldri landsliðum

20 ára landslið kvenna og karla
Undirbúningur fyrir síðasta stig afreksstarfið. Lögð er áhersla á hafa sömu umgjörð og hjá A – landsliðum. Aðalþjálfari liðanna sem jafnframt í þjálfarateymi A- landsliða og lögð áhersla á að hafa sömu áherslur í sóknar – og varnarleik þannig auðvelt sé fyrir leikmenn að stíga næsta skrefið sem er þátttaka í A – landsliðsstarfi KKÍ.

A-landslið kvenna og A–landslið karla
Síðasta stig afreksstarfsins. Hér er lögð áherslu á að hámarka árangur. Valið snýst um að bestu í þróttamennina hverju sinni. Markmið að senda bæði liðin í sem flest mót, HM, Evrópukeppni og Norðurlandamót. 

Þjálfaramál
Vinna við nýtt og endurbætt menntakerfi körfuknattleiksþjálfara lauk árið 2015 og hefur kennsla farið fram skv. kennsluáætlun síðan þá sem mun vera lykillinn í allri þróun í íslenskum körfuknattleik. Þá munu verða gerðar enn meiri kröfur til allra þjálfara sem ráðnir eru til starfa hjá yngri landsliðum sem og A-landsliðum og þá bæði aðalþjálfara sem og aðstoðarþjálfara. 

Fjármögnun
KKí nýtur styrkja frá afrekssjóði ÍSÍ eins og önnur sérsambönd sem halda út i afreksstarfi á Íslandi.  Fer upphæðin eftir stærð sjóðsins, umfangi verkefna og fjölda umsókna í sjóðinn. Sambandið hefur markvisst unnið að því að fjölga styrktaraðilum. Alþjóðsasambandið FIBA hefur nýlega hafið að styrkja yngri landslið vegna þátttöku í Evrópukeppnum. Þvi miður þurfa þátttakendur yngri landsliða ennþá að greiða hluta kostnaðar vegna þátttöku í erlendum verkefnum. Langtímastefnan er að landsliðin verð sjálfbær með styrkjum frá alþjóðasambandinu og innlendum styrktaraðilum.

Aðstaða 
Eitt helsta vandarmál afreksstarfsins er að finna æfingatíma fyrir landslið. Leitað er til íþróttafélag, bæjarfélaga og héraðssambanda um aðgengi að aðstöðu. Heimaleikir A- landsliðs karla og kvenna er leiknir öllu jöfnu í Laugardalshöll sem bæði kostnaðarsamt og ekki hægt að slá því föstu að aðstaðn sé til taks vegna annarra starfsemi m.a hljómleika osfrv..

Fagteymi 
KKÍ hefur samið við Atlas um umsjón með sjúkraþjálfun landsliða sambandsins. Fjöldi sjúkraþjálfara sem ferðast með liðnu fer eftir stærð verkefnisins. Atlas hefur milligöngu um aðgang að sérfræðingum í íþróttalækningum sem hægt er að senda landsliðsfólkið til ef meiðsl er alvarleg eða þrálát. Sjúkraþjálfari er til staðar á öllum æfingum A-landsliða karla og kvenna.
KKí hefur notað salfræðiteymi ÍSÍ þegar þess er þörf.  Stefnt er að því að auka þann þátt sem aðkomu næringasérfræðinga fyrir alla aldurshópa.   

Framtíðarsýn
Helsta verkefnið er að tryggja fjármögnun til lengri tíma en ekki þurfa á síðustu stundu að taka ákvörðun um þátttöku þegar svör liggja fyrir hjá afrekssjóði og styrktaraðilum. Stefnan er að foreldrar barna og unglinga þurfi ekki að leggja fram fjármagn vegna þátttöku í afreksstarfi KKÍ. Því miður er það staðreynd í dag að sambandið þarf að treysta því að foreldrar séu tilbúin að taka þátt. KKÍ er í dag að fá stuðning frá FIBA (alþjóðasamtök körfuknattleiks) við þátttöku í Evrópumótum. Með betri árangri A- landsliða er að verða til fjöldskylda fyrirtækja sem tilbúin er að styðja við bakið á afreksstarfi KKÍ. 

Forysta KKÍ styður uppbyggingu afreksmiðstöðvar í Laugardal þar sem aðstaða verður til æfinga og keppni fyrir öll landslið.
Markmiðið er að öll landslið KKÍ í U16, U18 og U20 taki þátt í Norðurlanda – og Evrópumótum. Að A– landslið taki þátt í Norðurlandamótum og undankeppnum fyrir Evrópumót og Heimsmeistaramót. Árangur á Heimsmeistara – og Evrópumótum ákveður hvort liðin komast á Ólympíuleika. Stefnt skal að því að komast á lokamót með landslið kvenna samanber árangur A– landsliðs karla, á EM kvenna árið 2021.
Stefnt er að því að fjölga iðkendum sem iðka körfuknattleik með sammvinnu allra félaganna.

Afreksstefna þessi gildir fram að næsta Körfuknattleiksþingi vorið 2019.