Umsókn fyrir erlenda leikmenn

Umsókn fyrir erlenda leikmenn - KKÍ/FIBA hlutinn og UTL/VMST/Þjóðskrá hlutinn.


Uppfært haust 2018!
Hvað þarf að gera til að skrá erlenda leikmenn rétt til viðkomandi aðila til að þeir séu löglegir hér á landi:

A) Leikmenn frá Bandaríkjunum og öðrum ríkjum sem eru utan ESS (Bosman-B):
Umsókn til UTL (sem senda áfram til VMST) ásamt gögnum + sækja um leikheimild til KKÍ.

B) Leikmenn frá ríkjum innan ESS (Bosman-A): Sjá lista yfir ríki ESS hérna
Skráningarform hjá Þjóðskrá eingöngu + sækja um leikheimild til KKÍ.

Annarsvegar eru þetta skráningarhluti um leyfi leikmanna til að vera á Íslandi / atvinnu- og dvalarleyfi (fer eftir þjóðerni þeirra), sem eru hlutir sem snúa ekki beint að KKÍ, og hinsvegar eru þetta leikheimildarhlutinn sem snýr að KKÍ og FIBA.

 
Almennt um erlenda leikmenn utan ESS:
Í janúar 2017 tóku ný lög gildi á Alþingi er varðar komu erlendra leikmanna og umsóknarferli þeirra. 
Nú er heimilt fyrir leikmenn að koma til landsins og dvelja hér á meðan umsókn er unnin og samþykkt af UTL.

51. gr.
Skylda til að sækja um dvalarleyfi áður en komið er til landsins.

Útlendingur sem sækir um dvalarleyfi í fyrsta skipti skal sækja um leyfið áður en hann kemur til landsins og er honum óheimilt að koma til landsins fyrr en umsóknin hefur verið samþykkt. Frá þessu er heimilt að víkja ef umsækjandi um dvalarleyfi er undanþeginn áritunarskyldu eða hann er staddur hér á landi og er:
    
a.  maki eða sambúðarmaki íslensks eða norræns ríkisborgara eða útlendings sem dvelst löglega í landinu samkvæmt ótímabundnu dvalarleyfi eða dvalarleyfi sem getur verið grundvöllur ótímabundins dvalarleyfis, 
    
b.  barn íslensks eða norræns ríkisborgara eða útlendings sem dvelst eða fær að dveljast löglega í landinu samkvæmt ótímabundnu dvalarleyfi eða dvalarleyfi sem getur verið grundvöllur ótímabundins dvalarleyfis, þegar barnið er yngra en 18 ára, 
   
 c.  umsækjandi um dvalarleyfi vegna starfs sem krefst sérfræðiþekkingar skv. 61. gr., dvalarleyfi vegna starfa íþróttafólks skv. 63. gr. eða dvalarleyfi fyrir sérhæfða starfsmenn á grundvelli samstarfs- eða þjónustusamnings skv. 64. gr. 
    
Undantekningar c-liðar 1. mgr. gilda meðan umsækjandi hefur heimild til dvalar á grundvelli gildrar vegabréfsáritunar eða á meðan umsækjandi hefur heimild til dvalar án áritunar.
   
Heimilt er að víkja frá 1. mgr. í öðrum tilvikum en þar eru upp talin ef ríkar sanngirnisástæður mæla með því.
    
Ef umsækjandi um dvalarleyfi sem dvelur hér á landi sækir um dvalarleyfi án þess að vera undanþeginn því að sækja um leyfi áður en hann kemur til landsins skv. 1. og 2. mgr. skal hafna umsókninni á þeim grundvelli. Það sama á við ef umsækjandi kemur til landsins áður en umsókn er samþykkt.

Ráðherra er heimilt að setja í reglugerð nánari fyrirmæli um undanþágur skv. 3. mgr.


Almennar upplýsingar
Hér eru upplýsingar og gögn til að sækja um leikheimild fyrir erlenda leikmenn. Það sem þarf að huga að tímanlega er að umsókn um LOC til annara landa (e. Letter Of Clearance) getur tekið 1-7 virka daga að berast frá öðrum sérsamböndum og því best að óska eftir því tímanlega hjá starfsmönnum KKÍ. Félögin sjálf sjá um allt sem snýr að atvinnu- og dvalarleyfisumsókn til UTL (fyrir leikmenn utan ESS (ESB) og leikmanna innan evrópska efnahagssvæðisins (Bosman-A) sem skrá þarf hjá Þjóðskrá.
 
Athugið að hægt er að óska eftir LOC fyrir leikmann hjá KKÍ áður eða á meðan umsókn er afgreidd hjá UTL til að flýta fyrir því ferli og það þarf að gera tímanlega því það getur tekið nokkra virka daga að fá það sent að utan.


KKÍ-hlutinn: Leikheimild
- - - - - - - - - - - - - - - - - - - -

LOC (e. Letter Of Clearance) og önnur gögn til KKÍ:
Allir erlendir leikmenn þurfa LOC frá fyrra landi þar sem þeir léku áður en þeir komu til ykkar. Senda þarf upplýsingar á kristinn@kki.is um óskir um LOC og taka fram nafn leikmanns, fæðingardags.mán.ár hans, í hvaða landi hann var og hjá hvaða liði hann var hjá síðast + upplýsingar um umboðsmann ef hann er til staðar og þá nafn hans, FIBA-Agent nr. og þjóðerni hans). Þá er hægt að útbúa og sækja um LOC til þess lands sem við á.

Hægt er að fletta upp viðukenndum umboðsmönnum FIBA hérna: www.fiba.com/find-basketball-agent

Til að árétta:
- Hægt er að sækja um LOC strax og mælt er með því að setja það af stað tímanlega þar sem það getur tekið nokkra virka daga að berast frá öðrum samböndum. Á meðan getið þið unnið aðra hluti umsóknarinnar.
- Félög þurfa að vera skuldlaus við KKÍ til að leikheimildir leikmanna eldri en 20 ára eru afgreiddar (íslenskra sem og erlendra).
- Skila þarf inn afriti að vegabréfi leikmanns + tryggingu/staðfestingu á tryggingu.

A.T.H. USA leikmenn sem koma beint út háskóla í USA þurfa einnig að fylla út „Self-Decleration“ og kvitta á hana (sjá hérna):

*Ekki er þörf lengur á FIBA umsókn þar sem hún er orðin rafræn og fyllist út af KKÍ.




Almennt um komu leikmanna til Íslands:
- - - - - - - - - - - - - - - - - - - - - - - - - - - - - - - 

Bosman-A leikmenn:
Hér má sjá lista yfir lönd sem eru innan ESS-ríkja (ESB) (tekið af vef UTL):  http://utl.is/index.php/ees-riki

Skráning:
Aðeins þarf að skrá viðkomandi leikmenn frá ESS-ríkjum (ESB) hjá Þjóðskrá við komuna hingað til lands.
Sjá form hér: skra.is/library/Samnyttar-skrar-/Eydublod/A-262-registration-EES-EFTA-foreign-national.pdf

Allt að 3 mánaða bið er eftir kt. og því borgar sig að sækja um sem fyrst.

Mælt er með að fara samdægurs eða daginn eftir komuna hingað í eigin persónu (leikmaðurinn) og hafa meðferðis.
- umsóknina undirritaða sem skila á inn til Þjóðskrá (formið hér að ofan í tengli)
- afrit af ráðningarsamningi leikmannsins
- afrit af vegabréfi leikmannsins
- vita hvar heimilsfangið hans er/verður (td. Engjavegur 6, íbúð 101, 104 Rvk.). Þetta er mikilvægt því hann mun fá sendan póst heim.

Tryggingar:
Félög þurfa að athuga hver tryggingarstaða evrópskra leikmanna er sem koma innan ESS-ríkja (ESB) og hvort þeir séu tryggðir sem atvinnumenn sjálfkrafa. Mismunandi er eftir löndum hvort aðilar hafi sjúkrasamlagskort eða ekki. Félög þurfa að tryggja að allt sé rétt til að lenda ekki í kostnaði ef meiðsl skyldu verða á tímabilinu.

Tveir möguleikar eru í boði:

A)
Leikmenn eru með evrópska sjúkrasamlagskortið áður en þeir koma til Íslans og geta framvísað afriti af því og þið sent til KKÍ með öðrum umbeðnum gögnum.

Félög skrá síðan leikmenn sína við komuna til Sjúkratrygginga Íslands á sama tíma og skráning inn til Þjóðskrár fer fram.
Leikmenn sem eru að flytja til Íslands og vilja verða sjúkratryggðir hér á landi þá sækja þeir um að verða skráðir í tryggingskrá þ.e. nota umsóknareyðublöðin sem eru hér að neðan. 
Sjá umsóknarformið hérna frá Sjúkratryggingum Íslands.

Sjúkratryggingar Íslands og evrópskir leikmenn:
Ef leikmenn eru tryggðir í heimalandi sínu áður en þeir koma til Íslands þá geta þeir/félög sótt um til Sjúkratrygginga Íslands beint. 
 
Þá á ekki að þurfa kaupa sjúkratryggingu fyrir leikmanninn frá einkafyrirtæki nema að félagið vill tryggja hann ofan á það sem almannatryggingakerfið veitir réttindi til. Allir einstaklingar sem flytja til Íslands frá öðru EES landi geta sótt um að sleppa við 6 mánaða biðtímann eftir að komast inn í almennakerfið með því að sækja um strax. Ef þið hafið frekari spurningar þá hafið þið samband við Sjúkratryggingar Íslands.

Ef þeir eru í styttri dvöl en 6 mánuði og búsetuland þeirra samþykkir að tryggja þá á meðan þá geta þeir notast við evrópsku sjúkratryggingakortin þann tíma en þeir þurfa að kanna það hjá sínum opinberu tryggingum áður en þeir koma. Til vara má nota leiðina hér að neðan B)

B)
Félög tryggja erlenda leikmenn sem koma frá ESS-ríki (ESB) hjá sínum tryggingarfélögum líkt og gert er með t.d bandaríska leikmenn og hefur verið gert sl. ár (6 mánaða trygging þar kt. þeirra fer í almenna tryggingarkerfið).

Form ýmissa tryggingarfélaga er að finna hér fyrir neðan.


Aðrir erlendir leikmenn (USA og utan ESS-ríkja):

Skráning og tryggingar:
Sækja þarf um líkt og áður til UTL fyrir leikmenn frá USA og öðrum ríkjum utan ESS (ESB).
Hægt er að skila umsókn til UTL þegar leikmaður mætir til landsins og hann getur fyllt út á frumritið sjálfur sem skilað er inn til UTL og kvittað á þau (til að sleppa við póstsendingar frumrits með hraðpósti mili landa).

UTL-skjöl: Umsóknir um atvinnu- og dvalarleyfi:
Skila þarf inn báðum eyðublöðum líkt og áður sem hér eru að neðan:

· D-107 Umsókn um dvalarleyfi á grundvelli atvinnuþátttöku
· Umsóknareyðublöð fyrir tímabundin atvinnuleyfi: Fyrir íþróttafólk


MIKILVÆGT!
Það er allt að 6 mánaða bið eftir afgreiðslu UTL á atvinnu- og dvalarleyfum og KKÍ mælir eindregið með að keypt sé flýtimeðferð hjá UTL (sem kostar 45.000 kr.) og þá tekur ferlið 1 mánuð. Að öðrum kosti þarf að huga að endurnýjun sjúkratryggingar ef umsókn er ekki kláruð á fyrstu 6 mánuðunum svo leikmaðurinn sé ekki ótryggður að keppa/æfa og einnig að FBI vottorð eru aðeins gild í 3 mánuði (og þufa að opnast á fyrstu 30 dögum frá sendingu). Að öðrum kosti gæti skapast flækjustig að þegar umsókn leikmanns verður afgreidd, að þá vanti gögn og kalla þarf eftir þeim að nýju. Reglur UTL segja að gögn verði að liggja fyrir þegar umsóknin er afgreidd.

A.T.H að auki: Leikmenn utan Schengen-svæðisins mega ekki vinna aðra vinnu nema að VMST (Vinnumálastofnun) samþykki þá umsókn sérstaklega!

FBI-vottorð frá veitu:
ATH að sækja um FBI-vottorð í USA áður en komið er til landsins í gegnum veitum (mælum með veitunni Accurate Biometrics, sjá hér að neðan)
Tengill á umsóknarblað þeirra hérna: www.accuratebiometrics.com
Leikmenn verða sér út um fingrafaraspjald og láta taka afrita af þeim á lögreglustöð í sínum bæ og senda með umsókn til veitunnar úti.

Veiturnar taka styttri tíma en það tekur að senda á FBI sem við mælum alls ekki með og það einfaldar ferlið til muna. Biðjið um að senda rafrænan link með sakavottorðinu beint á forsvarsmann félags sem framsendir á UTL eða leikmanninn sjálfan sem sendir áfram á ykkur (A.T.H. að opna alls ekki linkinn því þá er vottorðið ógilt).

Sæki leikmaður ekki um vottorð fyrir komuna til Íslands er hægt að fara 1 dag í viku til að fá fingraför og þá er hægt að láta þau fylgja með umsókn út til veitunnar og senda gögnin út með hraðpósti ásamt umsókninni til veitunnar:

Í gildi í október 2019:
Hægt er að sækja um fingraför leikmanna á lögreglustöðinni Vínlandsleið 2-4 (Grafarholt) í Reykjavík á þriðjudögum kl. 13:00-13:30.
Leiðbeiningar á íslensku: Fingraför tekin á Íslandi (word-skjal)

Önnur sakavottorð:
Framvísa þarf einnig sakavottorði frá þeim löndum sem leikmaðurinn hefur dvalið í í yfir 6 mánuði á síðastliðnum 5 árum.
 


Það sem þarf að uppfylla til að leikmaður fái leikheimild hjá KKÍ er eftirfarandi:

Umsókn um leikheimild hjá KKÍ:
· KKÍ umsókn                    Grunnupplýsingar til að hægt sé að sækja um LOC
· Self Decleration (.pdf)     Fyrir leikmenn beint úr USA-háskóla. Undirritað af leikmanninum sjálfum (rafrænt skjal)
· Afrit af vegabréfi             Skannað inn og sent í tölvupósti
· Sjúkratrygging                 Staðfesting á sjúkrakostnaðartryggingu (þarf fyrir UTL líka)
· Staða hjá KKÍ                  Félag þarf að vera skuldlaust við KKÍ til að fá leikheimild fyrir leikmenn eldri en 20 ára
· Letter Of Clearance         KKÍ sækir um LOC fyrir öll lönd nema USA (sjá neðar)

Letter of Clearance umsóknir - Almennt fyrir allar umsóknir
Gefa þarf KKÍ upplýsingar um leikmanninn (nafn, fæðingardag og ár, fyrra lið ef hægt er og í hvaða landi hann lék síðast). Að auki þarf að fylgja upplýsingar um umboðsmann leikmannsins (ef hann er til staðar) og þá þarf að fylgja nafn hans, þjóðerni og FIBA Agent Nr. umboðsmannsins. Þegar þessar upplýsingar liggja fyrir er hægt að útbúa LOC-umsóknina til að senda út.

KKÍ um LOC til allra annara landa fyrir utan USA og Kanada, þar með talið NBA, WNBA og NBA-D deildanna.

Mörg evrópulönd rukka €100 (evrur) fyrir LOC afgreiðslur, mismunandi eftir löndum.

Letter of Clearance umsóknir - USA

Sé leikmaður að koma beint úr skóla í Bandaríkjunum og hefur ekki leikið innan FIBA áður þarf að sækja um LOC til USA Basketball og er það gert í gegnum þessa vefsíðu hjá hjá USA Basketball: usab.site-ym.com/event/loc
ATH! USA Basketball rukkar gjald fyrir, og eru nokkrir möguleikar í boði, eftir hversu fljótri afgreiðslu er óskað eftir.

Það sem þarf að fylgja með umsóknum til USA Basketball þegar sótt er um LOC en það er formleg beiðni frá KKÍ og afrit af vegabréfi leikmanns. Að lokum þurfa allir leikmenn frá Bandaríkjunum einnig að skila inn Self-Decleration blaðinu (sjá hér að ofan).

Letter of Clearance umsóknir - Kanada
Fyrir Kanada þarf að fylla út þessa umsókn og senda út til sambandsins í tölvupósti (sjá á umsókninni þeirra).
ATH! Canada Basketball rukkar gjald fyrir og er það greitt með kreditkorti. (sjá umsóknarblað)

ATH!
Vert er að taka fram að í öllum tilfellum er gott að sækja um LOC tímanlega, því KKÍ sækir um það til viðkomandi sérsambands í því landi þar sem leikmaður lék síðast og getur tekið tíma, allt eftir því hve fjótt viðkomandi samband afgreiðir málið og fær svar frá fyrra félagi um að leikmaður sé laus allra mála hjá því sambandi. ATHUGIÐ að sérsambönd geta áskilið sér allt að sjö (7) virka daga til að afgreiða LOC. Á meðan það vantar til KKÍ fær leikmaður ekki leikheimild.

Munið að tilkynna brottfarir leikmanna þegar þeir yfirgefa landið, hvort sem er á miðju tímabili eða í lok þess, til Þjóðskrár Íslands á netföngin skra@skra.is og utl@utl.is í cc:.


Umsóknarferli um atvinnu- og dvalarleyfi fyrir leikmenn utan ESS · Eyðublöð og leiðbeiningar
Almennar leiðbeiningar um umsóknarferli fyrir atvinnu- og dvalarleyfi má finna á heimasíðu Útlendingastofnunar (www.utl.is) en hér fyrir neðan má finna nánari leiðbeiningar er KKÍ hefur sett saman til að einfalda forráðamönnum að sækja um atvinnu- og dvalarleyfi fyrir erlenda leikmenn.

Skref 1:
Erlendur leikmaður fyllir út nauðsynleg umsóknareyðublöð frá UTL sem nálgast má hér (2 skjöl)
· D-107 Umsókn um dvalarleyfi á grundvelli atvinnuþátttöku
· Umsóknareyðublöð fyrir tímabundin atvinnuleyfi: Fyrir íþróttafólk


Fylla skal út þær upplýsingar í umsóknina er snúa að félaginu (heimilisfang á Íslandi, upplýsingar um liðið og fl.) Mjög mikilvægt er að sá aðili er sér um þetta fyrir félagið lesi yfir gögnin áður en þau fara til Útlendingastofnunar og eins og kemur fram hér að ofan þá þarf að klára að fylla út umsóknareyðublöðin þar sem leikmaðurinn er ekki með allar nauðsynlegar upplýsingar. Skila í frumriti til UTL.

Skref 2:
Erlendur leikmaður sækir um FBI sakavottorð áður en hann heldur til Íslands – KKÍ mælir með því að notuð sé FBI veita sem heitir Accurate Biometrics (http://www.accuratebiometrics.com/fingerprinting_FBI_Procedures_By_Mail.html). Þegar fyllt er út umsóknareyðublaðið skal velja „Web Portal Service“ og að senda skuli niðurstöðurnar á utl@utl.is (eða netfang forráðamanns félagsins sem framsendir niðurstöðurnar til UTL – athugið að ekki er heimilt að opna linkinn þar sem hann virkar aðeins einu sinni og starfsmaður UTL þarf að vera sá sem sækir niðurstöðurnar). Þessir linkar eru oftast virkir í um 30 daga frá því þeir eru sendir og því hægt að opna þá einu sinni á þeim tíma.

Skref 3:
Forráðamaður félags fyllir út umsókn um sjúkratryggingu á Íslandi frá því tryggingarfélagi er liðið er í viðskiptum við og látin fylgja ásamt afriti af vegabréfi leikmannsins.

Sjóvá: http://www.sjova.is/files/2008_11_11_Application_for_sickness_cost_forms_signature.pdf
Vís: http://vis.is/media/1719/medical_cost_insurance-e.pdf
TM: https://www.tm.is/media/Eydublod_TM/Application.pdf
Vörður: http://www.vordur.is/GetAsset.ashx?id=4893

Skref 4:
Forráðamenn félagsins fylla út húsnæðisvottorð ásamt eiganda húsnæðisins sem nálgast má hér:
http://utl.is/files/Yfirlysing_huseiganda-isl_utfyllanlegt.pdf 

Skref 5:
Forráðamaður félagsins fer með gögnin í frumriti til Útlendingastofnunar. Gögnin sem þarf að skila inn eru eftirfarandi:

  1. Dvalarleyfisumsókn (í frumriti)
  2. Atvinnuleyfisumsókn (í frumriti)
  3. Ráðningasamningur (í frumriti)
  4. Umboð til forráðamanns félagsins (í frumriti)
  5. Afrit af vegabréfi (ljósrit)
  6. Staðfesting á tryggingu (ljósrit)
  7. Húsnæðisvottorð (frumrit)
  8. Kvittun fyrir greiðslu afgreiðslugjalds (kostar 12.000 kr., reikningsnúmer 0515-14-410424, kt. 670269-6399)


Hér má sjá dæmi um texta sem hægt er að nota til að leiðbeina erlendum leikmanni í gegnum ferlið ef hann gerir þetta að utan og sendi gögn heim (átti við áður en lög breyttust og vinna þurfti umsóknir fyrir komu leikmanna).

Dear (player name)

My name is XXX and I‘m helping XXX team get a residence and work permit for you in Iceland.

Step one:
Attached is a pdf-document that you will have to print out and fill in all boxes marked with yellow. Remember to signed everything at the bottom page. As soon as you have filled this out send this to my address with overnight delivery (DHL, Fed-ex and so on). My address is xxxxxxxx

Step two:
Apply for a FBI Criminal record – the instructions can be found here on this website: http://www.accuratebiometrics.com/fingerprinting_FBI_Procedures_By_Mail.html 
Please pick „Web Portal Service“ and have the results e-mailed to utl@utl.is Please do this as soon as possible. We will refund you the cost when you get to Iceland. If you have the Criminal Record sent to your email, be sure not to open the link when it arrives as it must only be done by an Icelandic Immigration Office Personell.

Step three:
Print out the application for a Health insurance in Iceland and scan and e-mail that to me. Please e-mail me also a copy of your passport. The application can be found here: xxxxxx (setja hér inn link á umsóknareyðublað frá tryggingafélagi liðsins).

Þessi síða notar vafrakökur Lesa meira