Grunnskólakeppni
Hér fyrir neðan má finna ýmsar gagnlegar upplýsingar um grunnskólakeppni Lífshlaupsins.
Keppt er í 4 flokkum eftir fjölda nemenda í skólanum. Keppt er bæði um fjölda daga og fjölda
mínútna hlutfallslega miðað við heildarfjölda nemenda í skólanum.
1-89 nemendur
90-299 nemendur
300-499 nemendur
500 ofl nemendur
Þeir grunnskólar sem eru í þremur efstu sætunum í hverjum flokki fá verðlaunagripi fyrir árangur sinn.
Til að skrá skóla til leiks í Lífshlaupið þarf að nýskrá skólann.
Farðu í Mínar síður og í Nýskráning - umsjónarmaður skóla.
Þar byrjar þú á því að finna skólann þinn í listanum og velur notendanafn og lykilorð sem er einkennandi fyrir skólann. Mundu að þú dreifir notendanafninu svo áfram til kennara skólans svo hver kennari geti skráð hreyfingu fyrir sinn bekk.
Þegar skólinn hefur verið stofnaður má stofna bekkina sem ætla að taka þátt handvirkt eða lesa þá inn með excel innlestri. Skjalið er hægt að vista hjá sér úr Mentor og lesa svo inn.
Hverjir eru gjaldgengir þátttakendur?
Allir nemendur skólans.
Hvað má skrá?
Alla miðlungserfiða eða erfiða hreyfingu sem stunduð er yfir daginn.
Til þess að fá einn dag skráðan þarf að hreyfa sig að lágmarki í 60 mínútur, fyrir 15 ára og yngri í keppninni má skipta tímanum upp yfir daginn, t.d. 10 - 15 mínútur í senn.
Lífshlaupið styðst við ráðleggingar frá Embætti landslæknis. Sjá nánari skilgreiningar undir "Hreyfiráðleggingar" hér til hliðar.
Hvaða nemendafjölda á að gefa upp?
Sá nemendafjöldi sem á að vera skráður undir "Fjöldi í skóla" er sá fjöldi sem skráður er í skólann meðan á Lífshlaupinu stendur.
Þegar frammistaða skólans er skoðuð undir "Staðan", ef smellt er á nafn skólans má sjá fjölda nemenda undir nafni skólans í vinstra horninu.
Ef sú tala passar ekki við þann nemendafjölda sem er í skólanum eru þið vinsamlegast beðin(n) um að senda leiðréttingu á netfangið lifshlaupid@isi.is.
Framlag hvers og eins telur:
Í anda almenningsíþrótta er leikurinn byggður upp þannig að framlag hvers og eins hjálpar til, hversu lítið sem það er.
Það er alltaf betra er að hreyfa sig lítið eitt en ekki neitt. Öll hreyfing hefur jákvæð áhrif á heilsu og líðan!
Hér finnur þú skráningarblöð sem prenta má út og nemendur geta skráð hreyfingu sína á
Skráningarblöð grunnskóla 2024.pdf
Hér er bréf sem skólar geta sent út á forráðamenn nemenda
Bref til foreldra 2024.docxHér er dagatal Lífshlaupsins