Myndaleikur og myndasíður Lífshlaupsins

25.01.2019

Á meðan á Lífshlaupinu stendur eru allir hvattir til að deila  myndum af þátttöku sinni í gegnum heimasíðuna og einnig á Facebook eða Instagram með myllumerkinu #lifshlaupid. Allir myndasmiðir fara í lukkupott í myndaleik Lífshlaupsins og eiga möguleika á að vera dregnir út og vinna flotta vinninga. Þá verða einnig flottustu myndirnar verðlaunaðar sérstaklega í lok keppninnar og því er um að gera að taka myndarlega á því við myndasmíðina.

Einnig er um að gera að skoða skemmtilegar myndir frá fyrri árum en hér á heimasíðunni má finna margar flottar innsendar myndir frá þátttakendum. Þá eru fjöldamargar myndir frá setningarhátíðum og verðlaunaafhendingum Lífshlaupsins aftur til ársins 2009 á veglegri myndasíðu ÍSÍ sem vert er að skoða.