Starfsmenn sveitarfélaganna í Fljótsdalshéraði og Fjarðarbyggð munu etja kappi í góðlátlegum grannaslag á meðan á Lífshlaupinu stendur. Þá verður í boði ókeypis kynningardagar í tilefni Lífshlaupsins.

Fyrstu viku Lífshlaupsins hafa tæplega 14 þúsund þátttakendur skráð sig til leiks og hafa sumir þeirra dottið í lukkupottinn í skráningarleiknum okkar. Við minnum á að dregið verður í myndaleiknum á morgun og því um að gera að deila myndum á Instagram, Facebook og hér á heimasíðunni.

Margir Lífshlauparar hafa eflaust upplifað hægagang í skráningarkerfinu síðustu daga þó að þeir séu sjálfir á fleygiferð í keppninni. Ástæðan er bilun í gagnagrunni á hýsingu en unnið er hörðum höndum að lagfæringu á því.