Í dag er síðasti keppnisdagur í skólakeppnunum og því líður senn að lokaniðurstöðu í þeim hluta Lífshlaups-keppninnar. Því er um að gera að ljúka lokasprettinum og klára allar skráningar sem fyrst.

Vetrarveðrið síðust vikuna hefur síður en svo verið Lífshlaupurum fjötur um fót og frekar verið hvatning til að bregða undir sig betri fætinum í snjógallanum. Dregið verður úr lukkupotti myndaleiksins á morgun og því um að gera fyrir myndasmiði að smella og deila með okkur.

Við minnum á að enn er hægt að skrá sig til þátttöku og að frá og með 12.febrúar verður eingöngu hægt að skrá hreyfingu 5 daga aftur í tímann þannig að hún gildi í keppninni